एसीसी अन्डर १९ एसिया कपमा आज नेपालले भारतसँग खेल्दै

एसीसी अन्डर १९ एसिया कप क्रिकेटमा आज नेपालले भारतसँग खेल्दैछ।

समूह चरणको अन्तिम खेल अन्तरगत आज विहान पौने ११ बजे दुबईमा खेल हुनेछ।सेमिफाइनलमा पुग्ने टिमहरुको टुंगो लागि नसकेकाले आजको खेल निकै महत्वपूर्ण रहेको छ।

नेपालले भने आफ्ना सुरुआतका दुवै खेल हारेको छ। पहिलो खेलमा पाकिस्तानसँग सात विकेटले पराजित नेपाल दोस्रो खेलमा अफगानिस्तानसँग ७३ रनले पराजित भएको थियो।

गणितीय हिसाबले समूहका चारै टिम सेमिफाइनल पुग्ने सम्भावना छ । तर, नेपालका लागि भारत निकै कठिन प्रतिद्वन्द्वी हो।