धादिङमा आज बाघचाल, गट्टा र डण्डी बियो खेल हुदै

अडियोमा सुन्नुहोस

धादिङ । धादिङको नीलकण्ठ नगरपालिका-९ स्थित पाल्पा सामरी भञ्ज्याङ माध्यामिक विद्यालयमा बाघचाल, गट्टा र डण्डी बियो प्रतियोगिता हुने भएको छ ।

संस्कृति सम्पदा संरक्षण तथा परम्परागत खेलकुद प्रवद्र्धन गर्ने उद्धेश्यले शिक्षा विज्ञान तथा प्रविधि मन्त्रालय, युनेस्कोको निमित्त नेपाल राष्ट्रिय आयोगको आयोजना तथा विद्यालयको समन्वयमा आज बाघचाल, गट्टा र डण्डी बियो प्रतियोगिता हुने विद्यालयका प्रधानाध्यापक नरहरी लम्सालले जानकारी दिनुभयो ।

लोक खेलहरुलाई पुस्ता हस्तान्तरण गर्ने उद्धेश्यले प्रतियोगिता आयोजना गरीएको लम्सालले बताउनुभयो । ६० बर्ष माथिका बिच प्रतिस्पर्धा हुने उक्त प्रतियोगिता बिहान ११ बजदेखी सुरु हुने छ ।

प्रतियोगितमा प्रथम हुनेलाई नगद २ हजार ५ सय, द्धितीय हुनेलाई २ हजार, तृतीय हुनेलाई १ हजार ५ सय र सान्त्वना हुनेलाई १ हजार रुपैँयासहित प्रमाणपत्र प्रदान गरिने प्रधानाध्यापक लम्सालले बताउनुभयो।