धादिङमा भोलिदेखि अन्तर मावि स्तरिय भलिबल प्रतियोगिता हुने,१२ टिम सहभागी

धादिङ। धादिङमा भोलि शुक्रबार देखि अन्तर माध्यमिक विद्यालय स्तरिय छात्र भलिबल प्रतियोगिता हुने भएको छ।

नेकपा एमाले निकट खेलकुद संगठन नेपाल खेलकुद महासंघ जिल्ला कमिटि धादिङको आयोजनामा नेकोस प्रथम धादिङ जिल्ला अन्तर माध्यमिक विद्यालय छात्र भलिबल कप हुन लागेको हो ।

भोलि शुक्रबार देखि शुरु भई माघ १ गतेसम्म सञ्चालन हुने प्रतियोगिता सदरमुकाम धादिङबेसीस्थित कर्भड हल परिसरमा हुने खेलकुद महासंघ धादिङका अध्यक्ष मदन खड्काले बागमती कलमलाई जानकारी दिनुभयो।

प्रतियोगितामा सरकारी र निजि गरी कुल १२ टिम(मा.वि) सहभागी हुने पनि खड्काले बताउनुभयो ।प्रतियोगिता लिग कम नक आउट प्रणालीमा संचालन हुने छ।

प्रतियोगितामा प्रथम हुने टिमलाई नगद ५० हजार, द्वितियलाई ३० हजार, तृतियलाई १५ हजार र सान्त्वनालाई ५ हजार रुपैयाँ प्रदान गरिने महासंघका केन्द्रिय सदस्य तथा धादिङ इन्चार्ज सगुन थापा मगरले बताउनुभयो ।