अभ्यास खेलमा नेपालले स्कटल्यान्डलाई ७ विकेटले हरायो

अडियोमा सुन्नुहोस

नेपालले अभ्यास खेलमा स्कटल्यान्डलाई ७ विकेटले पराजित गरेको छ।

आईसीसी १९ वर्षमुनिको विश्वकप अघिको अभ्यास खेलमा नेपालले स्कटल्यान्डलाई डकवर्थ लेविस पद्धतिको आधारमा जितेको हो ।

जितका लागि १ सय १५ रनको लक्ष्य पछ्याएको नेपालले २९ ओभर १ बलमा तीन विकेट गुमाएर ९९ रन बनाएको अवस्थामा वर्षाका कारण खेल रोकिएको थियो ।

यसअघि भएकाे अभ्यास खेलमा नेपालले स्कटल्यान्डलाई १ सय ३५ र नामिबियालाई ६ रनले हराएको थियो ।

नेपालले अन्तिम अभ्यास खेल पर्सि मङ्गलवार वेस्ट इन्डिजसँग खेल्नेछ ।

जनवरी १९ देखि फेब्रुअरी ११ तारिखसम्म हुने विश्व कपमा नेपाल समूह ‘डी’ मा रहेको छ ।