नेपाल ए क्रिकेट टिमले क्यानडा-११ सँग तीन खेल खेल्ने,खेल तालिका सार्वजनिक

नेपाल ए क्रिकेट टिमले क्यानडा-११ सँग तीन खेल खेल्ने भएको छ ।

नेपाल क्रिकेट संघले तीन खेलको तालिका सार्वजनिक गरेको छ ।मुलपानी क्रिकेट मैदानमा हुने तीन खेलमा फागुन ६ गते पहिलो खेल, ८ गते दोस्रो खेल र १० गते तेस्रो खेल हुने क्यानले जानकारी दिएको छ।

क्यानले यसअघि क्यानडाविरुद्ध खेल्ने १६ सदस्यीय नेपाल ए टिमको घोषणा गरिसकेको छ।

विनोद भण्डारीको कप्तानीमा रहेको १६ सदस्यीय नेपाल ‘ए’ टीममा विनोद भण्डारी (कप्तान), आशुतोष घिरैया, अर्जुन कुमाल, बशीर अहमद, विवेक यादव, हेमन्त धामी, किरण ठगुन्ना, मायन यादव, प्रतिस जिसी, रसिद खान, रिजन ढकाल, सागर ढकाल, शाहब आलम, सन्दीप जोरा, शेर मल्ल र सुजन थपलिया रहेका छन् ।

नेपाल ए टिमको प्रशिक्षकमा ज्ञानेन्द्र मल्ल र कलाम अली रहेका छन् ।तस्विर:मुलपानी क्रिकेट मैदान