‘फ्रेन्डशिप कप’ क्रिकेट: नेपालसँग गुजरात ८ विकेटले पराजित

एसएमएस फ्रेन्डशिप कप टी–२० क्रिकेट शृङ्खलामा नेपालसँग गुजरात ८ विकेटले पराजित भएको छ ।

भारतस्थित गुजरातको वापीमा आज भएको खेलमा नेपालले गुजरातलाई ८ विकेटले हराएको हो।गुजरातले दिएको ९९ रनको मध्यम लक्ष्य नेपालले १५ ओभर २ बलमा २ विकेट गुमाएर भेटायो ।

नेपालका कप्तान रोहित पौडेलले सबैभन्दा धेरै नट आउट ३३ र अनिल साहले नट आउट ३२ रन बनाए ।यस्तै कुशल भुर्तेलले १७, आसिफ शेखले १६ रन बनाए।

बलिङतर्फ गुजरातका हेमाङ्ग पटेल र तेजस पटेलले समान १ विकेट लिए ।

यसअघि टस हारेर ब्याटिङ गरेको गुजरात १८ ओभर २ बलमा सबै विकेट गुमाउँदा ९८ रन बनायो ।गुजरातका रुद्र पटेलले सबैभन्दा धेरै २३ रन बनाए ।

नेपालका गुल्सन झाले ४, करण केसीले ३ र सोमपाल कामीले १ विकेट लिए ।

शृङ्खलामा नेपाल र बरोडा पर्सि खेल्नेछन् । चैत २१ गते नेपाल र गुजरात तथा चैत २३ गते नेपाल र बरोडाबीच खेल हुनेछ । फाइनल खेल चैत २५ गते हुनेछ ।