एसीसी प्रिमियर कप : नेपालले भोलि यूएईसँग सेमिफाइनल खेल्ने

एसीसी प्रिमियर कप क्रिकेटको सेमिफाइनलमा नेपालले यूएईसँग खेल्ने भएको छ ।

गएको संस्करणमा फाइनलमा प्रतिस्पर्धा गरेका नेपाल र यूएईले यो पटक सेमिफाइनलमै खेल्ने भएका हुन् । नेपाल र यूएईबीचको पहिलो सेमिफाइनल भोलि बिहान पौने १२ बजे हुनेछ ।

नेपाल साविकको विजेता टोली हो ।

यस्तै अर्को सेमिफाइनलमा ओमान र हङकङबीच भोलि दिउँसो सवा ४ बजे हुनेछ ।

विजेता टोली फाइनलमा पुग्नेछन् । तेस्रो स्थानको खेल पर्सि शनिवार र फाइनल खेल आइतवार हुनेछ । यो प्रतियोगिताको उपाधि विजेता टोलीले एशिया कप खेल्न पाउनेछ ।