एसीसी प्रिमियर कप: आज तेस्रो स्थानको लागि नेपाल र हङकङ खेल्दै

एसीसी प्रिमियर कप अन्तर्गत तेस्रो स्थानको लागि आज नेपाल र हङकङ खेल्दै छन् ।खेल नेपाली समय अनुसार अपराहन्न ४: १५ बजेदेखि ओमानस्थित ओमान क्रिकेट एकेडेमीमा शुरु हुने छ ।

दुबै टिमखसेमिफाइनलमा पराजित भएका हुन् । शुक्रबार सम्पन्न सेमिफाइनलमा हङकङ ओमानसँग पराजित भएको हो भने नेपाल युएईसँग पराजति भएको थियो ।

तेस्रो स्थानको विजेताले फाइनलमा पुगेका दुई देशसहित आगामी इमर्जीङ टिम्स एशिया कप खेल्न पाउने छ ।त्यस्तै एसीसी प्रिमियरको कपको फाइनलमा भने आयोजक ओमान र युएई आइतबार खेल्ने छन् ।