निजामती सेवा दिवस

धादिङ,२२ भदौ।
बद्रीनाथ गैह्रे

आज भाद्र २२ खुशी मनाऔँ निजामती हुनाले
समस्याका पोकाहरु कसौं आऊ सेवाका तुनाले ।

न तलब खान पुग्ने छ न त अरु सुविधा नै छ
तर पनि खुशी नै छु भन्छ है यो मनको कुनाले ।

आफैं मात्र जीउने हैन अरुलाई नि जीउन देऊ
त्यसै खुशी मिल्छ साथी अरुको खुशीले छुनाले ।

राख्नुहुन्न ईष्याभाव कसैको सबैको भलो चिताउँ
बढिन्न है साथि अगाडी आफैं मात्र सम्झी रुनाले ।

देश बदल्नु छ बदल्नु छ गाउँ शहर आफैंलाई
आउ हातमा हात मिलाउँ निजामती हुनाले ।

(नेपाल सरकारका सहसचिव बद्रीनाथ गैह्रे अहिले धादिङका प्रमुख जिल्ला अधिकारी हुनुहुन्छ, निजामती सेवाका अब्बल र काविल प्रशासक गैह्रे सिद्धहस्त साहित्यकार पनि हुनुहुन्छ।)