सेर्तुङमा बृहत निःशुल्क स्वास्थ्य शिविर सुरु

रुवीभ्याली । उत्तरी धादिङको रुवीभ्याली गाउँपालिकास्थित सेर्तुङमा मुख्यमन्त्री जनता स्वास्थ्य परिक्षण कार्यक्रम अन्तरगत बृहत निःशुल्क स्वास्थ्य शिविर सुरु भएको छ ।

धादिङ अस्पतालको आयोजना तथा रुवीभ्याली गाउँपालिकाको व्यवस्थापनमा रुवीभ्याली ग्रामिण अस्पताल सेर्तुङमा प्राविधिक सेवा सहितको बृहत स्वास्थ्य शिविर सुरु भएको छ ।

शिविरको पहिलो दिन ३ सय जनाको स्वास्थ्य परिक्षण गरिएको छ । जसमा १ सय ७ जनाको भिडियो एक्सरे, एक सय जनाको इंसिजि, ३१ जनाको दन्त रोग र ६२ जनाको जनरल स्वास्थ्य परिक्षण गरिएको धादिङ अस्पतालका सिअहेव अधिकृत कृष्णलाल उप्रेतीले जानकारी दिनुभयो ।

स्वास्थ्य परिक्षण गरिएकाहरुलाई रोगको प्रकृति हेरी आवश्यक औषधि समेत वितरण गरिएको बताउनुभयो ।

स्वास्थ्य शिविर आज पनि सञ्चालन हुने छ ।