बेनीघाट रोराङका प्रधानाध्यापकहरुका लागि नेतृत्व र व्यवस्थापन तालिम शुरु

जोगिमारा । धादिङको बेनीघाट रोराङ गाउँपालिकाका प्रधानाध्यापकहरुका लागि नेतृत्व विकास तथा व्यवस्थापन तालिम शुरु भएको छ।

चाइल्ड फण्ड जापानको साझेदारीमा प्रयास नेपाल धादिङले बेनिघाट रोराङ गाउँपालिकाको समन्वयमा संचालन गरेको शिक्षामा पहुँच सुनिश्चितता परियोजना अन्तरगत गाउँपालिका भित्रका प्रधानाध्यापकहरुका लागि तालिम सञ्चालन गरिएको हो।

सोमबारबाट सुरु भएको तालिममा २२ जना प्रधानाध्यायपकहरु सहभागी छन् ।

प्रयास नेपाल धादिङका अध्यक्ष विर बहादुर श्रेष्ठको अध्यक्षता तथा गाउँपालिका अध्यक्ष कृष्ण बहादुर थपलिया (विवेक)को प्रमुख आतिथ्यतामा सोमबार ३ दिने नेतृत्व विकास तथा व्यवस्थापन सम्बन्धि तालिम सुरु भएको हो।

बुधबार सम्म सञ्चालन हुने तालिममा प्रभावकारी बिद्यालय संचालनमा प्रधानाध्यापकको काम कर्तव्य र उत्तरदायित्वका संगै राम्रो विद्यालयका सूुचकहरु र सुचक पुरा गर्न प्रधानाध्यपकको भुुमिक, नेतृत्व शैली,जवाफदेहीता तथा पारदर्शिता ,श्रोत व्यवस्थापन ,विद्याललमा अभिभावकको सहभागीता, बिद्यालय स्वमुल्याकन ,विद्यालयको आवश्यकतामा आधारित कार्ययोजना, विद्यालय नेतृत्व र व्यवस्थापन विचको ग्याप तथा सवालहरुको बारेमा प्रशिक्षक देबिराम आचार्यले सहजीकरण गर्नुहुनेछ ।

तालिमको उद्घाटन सत्रमा गाउँपालिका अध्यक्ष कृष्ण बहादुर थपलियाले विद्यालय र बालबालिकाको शिक्षा र विकासमा पार्ने सकारात्मक प्रभावको बारेमा चर्चा गर्नुभएको थियो ।

अध्यक्ष थपलियाले तालिममा सिकेका शिपलाई व्यवहारमा ल्याउन आनुरोध गर्नु भएको छ ।

तालिम उद्घाटन सत्रमा वडा नं ८ का वडाध्यक्ष राज कुमार श्रेष्ठ,बिद्यालय श्रोत व्यक्ति रामेश्वर पोखरेल,प्रयास नेपाल धादिङमा कार्यकारी निर्देशक दामोदर अर्याल,कार्यक्रम प्रबन्धक केशव सिग्देल,निःवर्तमान अध्यक्ष रेष्टन कडेल, चाइल्ड फण्ड जापानका एरिया म्यानेजर दल बहादुर सुनार लगायतको उपस्थिति रहेको फिल्ड कार्यक्रम अधिकृत सुमित्रा चेपाङले जानकारी दिनु भयो ।