धादिङ अस्पतालको पेजबाट प्राइभेट अस्पतालको विज्ञापन प्रकाशन भएपछी……..

धादिङ। धादिङको सदरमुकाम धादिङबेशीमा रहेको धादिङ अस्पतालले एक प्राइभेट अस्पतालको खुलेर विज्ञापन गरेको छ।

धादिङ अस्पतालले आफ्नो आधिकारिक फेसबुक पेजबाट धादिङबेशीमै सञ्चालित शहिद मेमोरियल अस्पतालको विज्ञापन गरेको हो।

अस्पतालले पेजमा शहिद मेमोरियल अस्पताल धादिङबेशीको पुछारबजारबाट बिचबजारमा सर्न लागेको विज्ञापन गरेको हो।

अस्पताललको आधिकारिक पेजमै निजि अस्पतालको विज्ञापन देखेपछि सर्वसाधारणले विरोध गरेका थिए। विरोधपछि धादिङ अस्पतालले पोष्ट गरेको शहिद मेमोरियल अस्पतालको विज्ञापन हटाएको छ।

सरकारी अस्पतालमा निजि अस्पतालको विज्ञापन किन ? भन्ने प्रश्नमा धादिङ अस्पतालका निमित्त अस्पताल निर्देशक डाक्टर गगन अधिकारीले भन्नुभयो,‘म अहिले अफिसकै कामले काठमाडौं छु । कसरी त्यस्तो भयो साथीहरुसँग बुझ्दै छु । बाटोमा भएकोले राम्रोसँग कुरा गर्न सकिएको छैन । बुझेर आवश्यक कार्वाही अगाडि बढाउँछु।’