धादिङमा बसको ठक्करबाट एक जनाको मृत्यु

धादिङ । पृथ्वी राजमार्ग अन्तरगत धादिङको थाक्रे गाउँपालिका–६ र ७ को सिमाना फेदीबजारमा मा बसको ठक्करबाट एक जनाको मृत्यु भएको छ ।

आज दिउँसो पोखराबाट काठमाण्डौ तर्फ जादै गरेको ग १ ख ९८६८ नं. को बसले आठकिल्लामा केवलको तार तान्दै बाटो काट्ने क्रममा सुनसरीको धरान उपमहानगरपालिका-१७ बस्ने बर्ष २३ को सुदेश सुनुवारलाई ठक्कर दिएको प्रहरी चौकी महादेववेशीले जानकारी दिएको छ ।

ठक्करबाट घाईते भएका सुनुवारलाई उपचारका लागि धार्के स्थित साईबाबा सामुदायिक अस्पतालमा पु¥याए पनि अस्पतालले मृत घोषणा गरेको प्रहरीले जनाएको छ ।

घटना पछी बस,चालक सोम बहादुर जि.टी र सह–चालक कृष्ण बि.क नियन्त्रणमा रहेको प्रहरीले जनाएको छ । अहिले राजमार्गमा कुनै अबरोध नभएको पनि प्रहरीले जनाएको छ ।