कारसँग ठोक्किएर बस त्रिशूली किनारमा खस्यो

चितवनको इच्छाकामना गाउँपालिका ३ फिस्लिङ नजिकै यात्रुबाहक बस त्रिशुली नदी किनारमा खसेको छ ।

बाँकेको नेपालगञ्जबाट काठमाडौं तर्फ आउँदै गरेको भे १ ख ४०६२ नम्बर बस र विपरीत दिशामा रहेको बागमती प्रदेश ०१–०२९ च ३७२० नम्बरको कार आज बिहान साढे ७ बजेतिर एकापसमा ठोक्किदा बस त्रिशुली नदी किनारमा खसेको इलाका प्रहरी कार्यालय मुग्लिनकी इन्सपेक्टर निरला भण्डारीले जानकारी दिनुभयो ।

दुर्घटनामा कम्तिमा १२ जना घाइते भएका छन् । केही यात्रु गम्भीर घाइते भएका छन् ।

बस त्रिशुली नदी किनारमा खसे पनि कार भने सडक किनारमै छ ।कारमा सवार २ जना र बस चालकको अवस्था गम्भीर रहेको प्रहरीले जनाएको छ ।

अन्य केही यात्रुहरु पनि घाइते भएका र उनीहरुलाई अस्पताल पठाइएको इलाका प्रहरी कार्यालय मुग्लिनकी इन्सपेक्टर भण्डारीले बताउनुभयो । तस्विर:रामहरी थापा