धादिङ हुग्दीखोला नजिकैबाट त्रिशुलीमा ट्रक खस्यो,३ जना घाईते

धादिङ । पृथ्वी राजमार्ग अन्तरगत धादिङको बेनिघाट रोराङ गाउपालिका वडा नं १० स्थित हुग्दीखोला नजिकैबाट ट्रक त्रिशुली नदीमा खसेको छ।

पूर्वी नवलपरासीबाट काठमाडौतर्फ आउँदै गरेको लु २ ख २५० नम्वरको ट्रक जोगीमारास्थित हुग्दी खोला नजिकैबाट त्रिशुली नदीमा खसेको हो।

चामल लिएर काठमाडौं तर्फ आउँदै गरेको सो ट्रकमा सवार तीन जना घाइते भएका छन्।ट्रक पुरै नदीमा डुबेको अवस्थामा रहेको छ।दुर्घटनाको कारण भने खुल्न सकेको छैन।

जिल्ला प्रहरी कार्यालय धादिङका सुचना अधिकारी एवम प्रहरी निरिक्षक प्रल्हाद सिलवालका अनुसार दुर्घटनामा परी १८ वर्षीय चालक आषिस महतो, सहचालक २६ वर्षीय राजु थापा मगर र तनहुको खैरेनी घर भएका ४६ सुरेश गुरुङ्ग घाइते भएका छन् ।

घाईतेहरुको उद्वार गरी उपचारको लागि काठमाण्डौ पठाइएको प्रहरी निरिक्षक सिलवालले बताउनुभयो।