धादिङ जेसिजको अध्यक्षमा अरविन रुपाखेती चयन

धादिङ। धादिङ जेसिजको अध्यक्षमा अरविन रुपाखेती चयन हुनुभएको छ ।

बुधबार थाक्रे गाउँपालिका वडा नं ८ मा भएको १२ औं बार्षिक साधारण सभा तथा शाखा अधिवेशनले रुपाखेतीको अध्यक्षतामा वर्ष २०२५ को लागि ७ सदस्यीय नयाँ कार्यसमिति सर्वसम्मत चयन गरेको हो ।

कार्यसमितिको कार्यकारी उपाध्यक्षहरुमा दिपेश बिडारी र अजित कुमार यादव तथा उपाध्यक्षहरुमा सन्देश गजुरेल, उमेश कार्की, सुदर्शन रेग्मी र किशोर अधिकारी चयन भएका छन् ।

नव निर्वाचित अध्यक्षले कानुनी सल्लाहकारमा सरोज गजुरेल, महासचिवमा अजय आचार्य र कोषाध्यक्षमा राजेश भट्टराईलाई मनोनयन गर्नुभएको छ ।