न्युजिल्याण्ड पठाईदिन्छु भन्दै ठगी गर्ने धादिङका अर्जुन कडेल पक्राउ

धादिङ । वैदेशिक रोजगारमा न्युजिल्याण्ड पठाईदिन्छु भन्दै ९ लाख ठगी गर्ने धादिङका एक युवक पक्राउ परेका छन् ।

पक्राउ पर्नेमा धादिङको गजुरी गाउँपालिका २ घर भई हाल काठमाण्डौं १६ नयाँबजार बस्ने २६ वर्षिय अर्जुन कडेल रहेको प्रहरीले जनाएको छ।

आकर्षक तलबको प्रलोभनमा पारी वैदेशिक रोजगारीमा पठाउने भनी रकम लिए पश्चात विदेश नपठाई सम्पर्क विहीन भएको भन्दै पिडीत समिर कार्कीकोे जाहेरीपछी कडेललाई सामाखुशीबाट १९ गते पक्राउ गरी थप अनुसन्धान तथा कारबाहीको लागि वैदेशिक रोजगार विभाग ताहाचल पठाईएको प्रहरीले जनाएको छ।