नलाङ स्वास्थ्य चौकीमा आँखा शिविर सञ्चालन

धादिङ । सिद्धलेक गाउँपालिका–२ नलाङस्थित नलाङ स्वास्थ्य चौकीमा मोतिया विन्दु छनौट आँखा परीक्षण गरिएको छ ।

तिलगंगा आँखा प्रतिष्ठान काठमाडौँ, तिलगंगा शल्यक्रिया आँखा केन्द धादिङको आयोजनामा तथा सिद्धलेक गाउँपालिकाको सहकार्यमा सञ्चालन भएको मोतिया बिन्दु छनौट शिविरमा ५३ जनाले आँखा जाँच गराएका छन् ।

जसमध्ये ७ जनामा मोतियाविन्दु समस्या देखापरेको नलाङ स्वास्थ्य चौकीकी स्वास्थ्यकर्मी लक्ष्मी थापा मगरले जानकारी दिनुभयो ।

मोतिया बिन्दु भएका बिरामीको जेठ ७ र ८ गते तिलगंगा शल्यक्रिया आँखा केन्द धादिङबेशीमा निःशुल्क शल्यक्रिया गरिने उहाँले बताउनुभयो ।

आँखा शिविर आज सिद्धलेक–३ को सलाङ स्वास्थ्य चौकीमा सञ्चालन हुँदै छ भने भोलि सिद्धलेक–६ को कुम्पुर स्वास्थ्य चौकीमा सञ्चालन हुने छ ।