नेपालमा कोभिड–१९ को नयाँ ‘सब भेरियन्ट’ केपी पुष्टि

नेपालमा कोभिड–१९ को नयाँ ‘सब भेरियन्ट’ केपी पुष्टि भएको छ ।

राष्ट्रिय जनस्वास्थ्य प्रयोगशालाका अनुसार गएको दुई महिनायता देशभर कोभिड–१९ पुष्टि भएका ४२ जनाको नमुनाको जिन सिक्वेन्सिङ गर्दा १२ जनामा ओमिक्रोन भेरियन्टको सब भेरियन्ट केपी ‘वान’ र १७–जनामा केपी ‘टू’ पुष्टि भएको हो।

यस्तै एक जनामा केपी ‘थ्री’ र एक जनामा केपी ‘फो’ सब भेरियन्ट देखिएको छ ।

केपी सब भेरियन्ट अत्यधिक चाँडो फैलनसक्ने प्रयोगशालाले जारी गरेको सूचनामा उल्लेख गरेको छ । केपी सब भेरियन्टको लक्षण अन्य भेरियन्टको तुलनामा खासै फरक नभएको र याे भेरियन्टमा नाकबाट पसिना आउने, घाँटी दुख्ने, खोकी लाग्ने, छाती दुख्ने, ज्वरो आउने, जीउ दुख्ने, कमजोरीपनजस्ता पुरानै लक्षण देखिएको पाइन्छ ।