धादिङका एक किशोर २ किलो गाँजासहित पक्राउ

धादिङ । तनहुँको आँबुखैरेनी गाउँपालिका-४ बेनिटारबाट २ किलोग्राम अवैध लागूऔषध गाँजासहित एक किशोर पक्राउ परेका छन् ।

पक्राउ पर्नेमा धादिङको निलकण्ठ नगरपालिका-४ बस्ने १७ वर्षीय किशोर रहेको प्रहरीले जनाएको छ ।

मंगलबार दिउँसो अस्थायी प्रहरी पोष्ट मुग्लिन पुलजिपबाट खटिएको प्रहरीले मुग्लिङबाट आँबुखैरेनीतर्फ जाँदै गरेको ग।१ ख २९८५ नम्बरको बसलाई जाँच गर्ने क्रममा बसमा सवार उनलाई उक्त गाँजासहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।