धादिङकी सन्तोषी श्रेष्ठसहित ८ खेलाडी पुरस्कृत

धादिङ-राष्ट्रिय खेलकुद परिषद् (राखेप) ले धादिङकी सन्तोषी श्रेष्ठसहित ८ जना खेलाडीलाई पुरस्कृत गरेको छ ।

मंगलबार गणतन्त्र दिवसका अवसरमा चार खेल (एथलेटिक्स र शारीरिक सुगठनका ३–३,मुवाँथाई र उसुका १–१ खेलाडी) गरी ८ खेलाडीलाई नगदसहित पुरस्कृत गरेको हो ।

पुरस्कृत हुनेमा एथलेटिक्सबाट धाविका धादिङको ज्वालामुखी गाउँपालिका निवासी सन्तोषी श्रेष्ठसँगै राजपुरा पछाईं र राममाया बुढा रहेका छन् ।

धादिङकी सन्तोषीले बंगलादेशमा ढाका म्याराथनको दक्षिण एसियाली प्रतिस्पर्धामा स्वर्ण जितेकी थिईन् । राखेपले उनल नगद ९० हजारसहित पुरस्कृत गरेको हो ।

यस्तै धाविकाद्धय राजपुरा र राममायाले नेपालमा सम्पन्न १६ औं एसियाली क्रसकन्ट्री च्याम्पियनसिपको व्यक्तिगत र टिमतर्फ रजत पदक जितेका थिए ।राजपुरा र राममायाले ५५–५५ हजार पाए ।

शारीरिक सुगठनबाट ललित धिमाल, रजनी श्रेष्ठ र समन मुलगुठी,मुवाँथाईबाट गुणराज रुचाल र उसुबाट विजय सिंजाली पुरस्कृत भएका छन् । उनीहरुले समान ९० हजार प्राप्त गरे । कुल ६ लाख ५० हजार रुपैयाँ पुरस्कार वितरण गरिएको राखेपले जनाएको छ ।