स्रोत नखुलेको रकमसहित धादिङका राजन पक्राउ

धादिङ। वीरगंज महानगरपालिका–१६ रजतजयन्ती चोकबाट स्रोत नखुलेको रकमसहित ६ जना पक्राउ परेका छन् ।

४ लाख ८२ हजार नेपाली रूपैयाँ र १ लाख ७२ हजार ५ सय भारतीय रूपैयाँसहित धादिङको धुनीवेशी नगरपालिका–१ बस्ने ३२ वर्षीय राजन तामाङ समेत ६ जनालाई शनिबार बेलुकी प्रहरीले पक्राउ गरेको हो ।

अन्य ५ जनाको भने प्रहरीले परिचय खुलाएको छैन ।

जिल्ला प्रहरी कार्यालय पर्साबाट खटिएको प्रहरीले भारतबाट नेपालतर्फ आउँदै गरेको बा.२० च ४८४१ नम्बरको गाडीलाई जाँच गर्ने क्रममा गाडीमा सवार उनीहरूलाई उक्त नगदसहित पक्राउ गरेको हो ।

प्रहरीले आवश्यक अनुसन्धान गरिरहेको जनाएको छ ।