धादिङमा दुई मोटरसाइकल ठोक्किदा चार जना घाईते

धादिङ । धुनिवेशी नगरपालिका-९ स्थित काफलचौरमा दुई मोटरसाइकल एकापसमा ठोक्किदा चार जना घाईते भएका छन्।

अपरान्ह ४ बजे खानिखोला हुंदै नागढुङ्गा निस्कने भित्री सडक खण्डमा काठमाण्डौबाट खानिखोला तर्फ आंउदै गरेको बा प्र ०२–००२७ प ९०८६ नं.को मोटरसाइकल र विपरित दिशातर्फ जांदै गरेको बा प्र ०२–०२० प ०२२३ नं.को मोटरसाइकल एकआपसमा ठोक्किदा चारजना घाइते भएका हुन् ।

घाइते हुनेमा थाक्रे गाउँपलिका-६ आठकिल्लाका वर्ष २० को नरेस तामाङ, भुमेश्वर बस्ने वर्ष ३५ को राजेश तामाङ, काठमाण्डौ गोकर्णेश्वर नगरपालिका-६ बस्ने वर्ष २१ को समीर मगर र सोही स्थानका वर्ष २१ को सन्दीप खतिवडा रहेकोे ईलाका प्रहरी कार्यालय खानिखोलाले जनाएको छ।

घाईते ४ जनाकै अवस्था गम्भीर रहेकोले उपचारको लागी काठमाण्डौ पठाईएको प्रहरीले जनाएको छ ।