धादिङमा बलात्कार आरोपित विरुद्ध मुद्दा दर्ता

धादिङ । बालिका बलात्कारका आरोपित विरुद्ध जिल्ला प्रहरी कार्यालय धादिङमा मुद्दा दर्ता भएको छ ।

१५ वर्षीया बालिकालाई बलात्कार गरेको आरोपमा त्रिपुरासुन्दरी गाउँपालिका–१ का २० वर्षीय तिलक कुमाल विरुद्ध प्रहरी कार्यालयमा सोमबार मुद्दा दर्ता भएको हो ।

आरोपितले ०८० चैत २८ गतेदेखि ०८१ जेठ १५ गतेसम्म बलात्कार गरेको पीडित पक्षले जेठ २० गते प्रहरीमा उजुरी दिएको जिल्ला प्रहरी कार्यालय धादिङका सुचना अधिकारी तथा डिएसपि मकेन्द्र कुमार मिश्रले बागमती कलमलाई जानकारी दिनुभयो।

उजुरी पछि आरोपितलाई जेठ २० गते आईतबार गिरफ्तार गरि धादिङ जिल्ला अदालतको अनुमतिले ५ दिन म्याद थप गरेर हिरासतमा राखिएको प्रहरीले जनाएको छ ।

पिडितको आईतबार धादिङ अस्पतालमा स्वास्थ्य परिक्षण गरिएको प्रहरीले जनाएको छ ।