बालोन डो अर अवार्ड स्पेनिस मिडफिल्डर रोड्रीले जिते,यमल उत्कृष्ट युवा खेलाडी

यस बर्षको बालोन डो अरु को उपाधि म्यानचेस्टर सिटीबाट खेल्ने स्पेनिस मिडफिल्डर रोड्रीले जितेका छन् ।

फ्रान्स फुटबल फेडेरेसनले हरेक बर्ष प्रदान गर्ने बालोन डो अर अवार्ड युरो कप विजेता स्पेनका रोड्रीले जितेका हुन् । उनले ब्राजिलका भिनिसियस जुनियरलाई पछि पार्दै यो अवार्ड जितेका हुन् ।

रोड्रीले स्पेनलाई युरोकप जिताएका थिए भने म्यानचेस्टर सिटीलाई प्रिमियर लिग, फिफा क्लब विश्वकप र युइएफए सुपर कप जिताएका थिए ।

२०१८ मा लुका मोड्रीचले जितेपछि बालोन डो अर जित्ने रोड्री पहिलो मिडफिल्डर हुन् ।

२००८ देखि अहिलेसम्म क्रिस्टियानो रोनाल्डो र लियोनेल मेसी बाहेक बालोन डो अर जित्ने उनी तेस्रो खेलाडी हुन् । यस बिचमा मोड्रीचले २०१८ र करिम बेन्जमाले २०२२ मा बालोन डो अर जितेका थिए ।

रोड्रीले यस बर्षको बालोन डो अर जितेपनि यो विवादित बनेको छ । यस बर्ष यस अवार्डका लागि रियल म्याड्रिडबाट खेल्ने भिनिसियस् जुनियरलाई प्रमुख दाबेदार मानिएको थियो ।

रियल म्याड्रिडलाई च्याम्पियन्स लिग र ला लिगा जिताउन प्रमुख भूमिका खेलेका भिनिसियसले यो अवार्ड नजित्ने भएपछि रियल म्याड्रिडले अवार्ड सेरोमनी नै बहिष्कार गरेको थियो ।

यस्तै यस बर्षको उत्कृष्ट युवा खेलाडी कोपा ट्रफी जितेका बार्सिलोनाबाट खेल्ने स्पेनिस युवा खेलाडी लामिन यमलले छन् ।

फ्रान्स फुटबल फेडेरेसनले गरेक बर्ष दिने यो अवार्ड यस बर्ष यमललाई दिइएको छ।युरोकपमा स्पेनलाई विजेता बनाउन खेलेको भूमिका र बार्सिलोनामा उनले गरेको प्रदर्शनका लागि यो अवार्ड दिइएको हो।

१७ बर्षिय यमलले बार्सिलोनाकै सहकर्मी गाभी र पेड्रीको पदचिन्हलाई पछ्याउदै यो अवार्ड जितेका छन् । अघिल्लो बर्ष यो अवार्ड इङल्याण्डका जुडे बेलिङघमले जितेका थिए ।

यमलले टर्कीका आर्दा गुलेरलाई पछि पार्दै यो अवार्ड जितेका हुन्।