धादिङका एक किशोर लागूऔषध पोल्याण्डसहित पक्राउ

काठमाडौं । काठमाडौंको चन्द्रागिरी नगरपालिका-२ नागढुङ्गाबाट अवैध लागूऔषध पोल्याण्डसहित धादिङका एक किशोर पक्राउ परेका छन् ।

३ सय ६० ग्राम लागूऔषध पोल्याण्डसहित धादिङको गजुरी गाउँपालिका-८ का १७ वर्षीय किशोरलाई बिहीबार बिहान पक्राउ गरिएको प्रहरीले जनाएको छ ।

प्रहरी प्रभाग नागढुङ्गा र लागूऔषध नियन्त्रण ब्यूरो शाखा कार्यालय नागढुङ्गाबाट खटिएको प्रहरीले पालुङबाट काठमाडौंतर्फ आउँदै गरेको ना.४ ख ४१०१ नम्बरको बसलाई जाँच गर्ने क्रममा बसमा सवार उनलाई उक्त पदार्थ सहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ।