धादिङका नारायण सिलवालद्वारा एनएफपीजेको उपाध्यक्षमा उम्मेदवारी घोषणा

धादिङ। धादिङ जिल्लामा रहेर पत्रकारिता गरिरहनुभएका नारायण सिलवालले राष्ट्रिय फोटो पत्रकार समूह (एनएफपीजे नेपाल)को उपाध्यक्षमा उम्मेदवारी घोषणा गर्नुभएको छ ।

यहि कार्तिक २४ गते काठमाडौमा हुने २७ औं साधारण सभा तथा १३ औं अधिवेशनमा उपाध्यक्षमा उम्मेदवारी दिनुभएको हो ।

२०६१ सालमा आँखु सन्देशबाट पत्रकारिता सुरु गरेका सिलवालले २०६४–०६९ सम्म जनमुक्तिमार्ग साप्ताहिक, २०६५–०६६ गोरखापत्र दैनिक, २०६६–०७३ रेडियो बिहानी र २०७३ देखि धादिङपोष्टको प्रधान-सम्पादकका रुपमा कार्यरत हुनुहुन्छ ।

२०७३ मा राष्ट्रिय फोटो पत्रकार समूहको सदस्यका लिएका उहाँ २०७४ सालमा फोटो पत्रकार संघ धादिङको अध्यक्ष बन्नुभएको थियो। जिल्ला अध्यक्ष हुँदा फोटो पत्रकार तालिम, जिल्ला स्तरीय फोटो प्रतियोगिताहरु, धादिङका पुराना फोटो पत्रकार, फोटो ग्राफर सम्मान सँगैं पुराना क्यामराहरु प्रदर्शनी जस्ता कार्यक्रमहरु सम्पन्न भएका थिए ।

०७६ साल भदौमा राष्ट्रिय फोटो पत्रकार समूह बागमती प्रदेशको अध्यक्ष बन्नुभएका सिलवाल ०७८ पुसमा पुन बागमतीको अध्यक्ष बन्नुभएको थियो । ०८० मंसिरमा भएको तेस्रो अधिबेशनबाट पनि उहाँ निर्विरोध अध्यक्षमा निर्वाचित हुनुभएको थियो ।

राष्ट्रिय स्तरको क्रियाशिल फोटो पत्रकारिता पुरस्कार समेत पाईसक्नु भएका उहाँले प्रदेशको कार्यकाल नसकिँदै केन्द्रिय अधिबेशनमा उपाध्यक्ष पदमा उम्मेदवारी दिनुभएको हो ।