आजदेखि पृथ्वी राजमार्ग दैनिक साढे चार घण्टा बन्द

पृथ्वी राजमार्ग आजदेखि दैनिक साढे चार घण्टा बन्द हुने भएको छ।

निर्माणाधीन मुग्लिन पोखरा सडकअन्तर्गत तनहुँको व्यास नगरपालिका–१२ छिर्कनेदेखि देउराली सडकखण्ड काम तीव्र पार्न आजदेखि २० दिनसम्म दैनिक साढे चार घण्टा सडकमा सवारी आवगमन बन्द गर्न लागिएको मुग्लिन पोखरा सडक योजना (पूर्वी खण्ड) का इन्जिनियर विष्णुप्रसाद पाण्डेले जानकारी दिनुभयो।

उहाँका अनुसार सडकखण्ड दुई चरणमा बन्द गरी काम गरिने छ।राति ११ बजेदेखि बिहान १ बजेसम्म सडक पूर्णरूपमा बन्द गरी सडक निर्माण गरिनेछ।

राति १ बजेदेखि १ः३० बजेसम्म सडकमा सवारी आवागमन खुला गरिनेछ भने दोस्रो चरणमा राति १ः३० बजेबाट बिहान ४ बजेसम्म सडक बन्द गरी निर्माण कार्य गरिने पाण्डेले बताउनुभयो।

आकस्मिक अवस्थामा विशेष व्यवस्था गरी सवारी पास गराउने पाण्डेले जानकारी दिनुभयो। filephoto