भारतीय ट्रकको ठक्करबाट सिद्धलेककी एक महिलाको मृत्यु

धादिङ । धादिङको गल्छी गाउँपालिका–७ बाइसकिलामा भारतीय ट्रकको ठक्करबाट एक पैदलयात्रीको मृत्यु भएको छ।

आइतबार बेलुकी ५ः४० बजेको समयमा काठमाण्डौबाट गजुरी तर्फ आउदै गरेको MH46BM1762 नम्बरको डिब्बा ट्रकले ठक्कर दिँदा धादिङको सिद्धलेक गाउँपालिका वडा नं. १ की ३८ बर्षिया निरमाया राना मगरको मृत्यु भएको हो।

बाटो काट्ने क्रममा ट्रकको ठक्करबाट गम्भिर घाईते भएकी मगरको काठमाण्डौस्थित त्रिवि शिक्षण अस्पताल (टिचिङ) मा उपचारको क्रममा मृत्यु भएको जिल्ला प्रहरी कार्यालय धादिङका सूचना अधिकारी एवम प्रहरी निरिक्षक प्रल्हाद सिलवालले जानकारी दिनुभयो । तस्विर:सर्मपण राना