गजुरी बजारबाट ११ किलो गाँजासहित एक जना पक्राउ

धादिङ । गजुरी गाउँपालिका-१ गजुरी बजारबाट अवैध लागूऔषध गाँजासहित एक जना पक्राउ परेका छन् ।

पक्राउ पर्नेमा गल्छी गाउँपालिका-७ बस्ने ३८ वर्षीय रमेश तामाङ रहेको प्रहरीले जनाएको छ ।

बुधबार राति इलाका प्रहरी कार्यालय गजुरीबाट खटिएको प्रहरीले काठमाडौंबाट भैरवाहवातर्फ जाँदै गरेको लु.२ ख ६९९७ नम्बरको बसलाई जाँच गर्ने क्रममा बसमा सवार तामाङलाई करिब ११ किलोग्राम गाँजा सहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ।