धादिङका कुमार थापा खैरो हेरोइन सहित पक्राउ

काठमाडौं । काठमाडौंको चन्द्रागिरी नगरपालिका-२ नागढुङ्गाबाट अवैध लागूऔषध खैरो हेरोइनसहित एक जना पक्राउ परेका छन्।

पक्राउ पर्नेमा धादिङको गल्छी गाउँपालिका-७ बस्ने २८ वर्षीय कुमार थापा रहेको प्रहरीले जनाएको छ।

मंगलबार बिहान प्रहरी प्रभाग नागढुङ्गा र लागूऔषध नियन्त्रण व्यूरो शाखा कार्यालय नागढुङ्गाबाट खटिएको प्रहरीले काकडभिट्टाबाट काठमाडौंतर्फ आउँदै गरेको बा.प्र.०१-००६ ख ४७९६ नम्बरको बसलाई जाँच गर्ने क्रममा बसमा सवार उनलाई करिब ३१ ग्राम खैरो हेरोइनसहित पक्राउ गरेको हो ।

यस सम्बन्धमा आवश्यक अनुसन्धान गरिरहेको प्रहरीले जनाएको छ।