मन्त्री डीपी अर्यालको सम्पत्ति : १५० तोला सुन,२ करोड बढी नगद(विवरणसहित)

श्रम, रोजगार तथा सामाजिक सुरक्षा मन्त्री डीपी अर्यालले सम्पत्ति विवरण सार्वजनिक गर्नुभएको छ ।

उहाँसँग १५० तोला सुन, १ सय तोला चाँदी र १० तोला हिरा रहेको सार्वजनिक विवरणमा उल्लेख छ । २०७४ सालअघि सुन ८२ लाख, २० हजारमा खरिद गरेको उहाँले बताउनुभयो ।

यस्तै मन्त्री अर्याल र उनकी श्रीमती अम्बिका केसीसँग २ करोड बढी नगद बैंक तथा सहकारीमा जम्मा छन् ।

अर्यालको जनसागर सहकारीमा १ करोड ५० लाख, प्राइम बैंकमा १३ लाख, मेगा बैंकमा १ लाख र राष्ट्रिय वाणिज्य बैंकमा ४ लाख नगद जम्मा रहेको छ ।

यस्तै श्रीमती अम्बिका केसीको नाममा जनसागर सहकारीमा १५ लाख, ग्लोबल आइएमई बैंकमा ५० लाख, हिमालयन बैंकमा २० लाख रुपैयाँ नगद रहेको छ ।

सो सम्पत्ति व्यापारबाट प्राप्त भएको विवरण सार्वजनिक गर्नुभएको छ। काठमाडौं १६ मा अम्बिका केसीको नाममा ३ करोड मूल्य बराबरको घर रहेको छ ।

धादिङ जिल्लाको ज्वालामुखी नगरपालिका–२ स्थायी घर भएका डोलप्रसाद अर्याल(डिपी) ले २०८० फागुन २३ गते दोस्रो पटक श्रम मन्त्रालयको पदभार सम्हाल्नुभएको थियो ।

हेर्नुहोस् डोलप्रसाद अर्याल(डिपी) को सम्पती विवरण