सल्यानटार महोत्सवमा आज गायिका एलिना चौहानसँगै यी कलाकार आउँदै

अडियोमा सुन्नुहोस

धादिङ । त्रिपुरासुन्दरी गाउँपालिका–२ सल्यानटारमा दोस्रो सल्यानटार कृषि प्रदर्शनी तथा व्यापार मेला जारी रहेको छ।

मेलाको आज छैटौँ दिन सोमबार विभिन्न कलाकारहरुको प्रस्तुति रहने आयोजकले जनाएको छ।

आज गायिका एलिना चौहान, गायक कर्ण राज गिरी, गायिका कमला घिमिरे, मोडल तथा डान्सर आरुसी मगर, दिलास डान्स ग्रुपका कलाकारहरुसँगै स्थानीय कलाकारहरुको बिशेष प्रस्तुति रहने हामी सबैको कृषि तथा बहुउद्देश्यीय सहकारी संस्था लिमिटेडका सुरेन्द्र श्रेष्ठले जानकारी दिनुभयो ।

उहाँका अनुसार भोलि ११ गते मंगलबार गायक अर्जुन सापकोटा, गायिका अस्मि थापा मगर, ¥यापर तथा गायक आयुुश अधिकारी, दिलास डान्स ग्रुपका कलाकारहरुसँगै स्थानीय कलाकारहरुको बिशेष प्रस्तुति रहने छ।

सहकारीको आयोजनामा स्थानिय श्रोतको प्रर्वद्धन गरौं, देश विकासमा टेवा पुु¥याऔंं भन्ने मूल मर्मका साथ बुधबारदेखी कृषि प्रदर्शनी तथा व्यापार मेला सुरु भएको हो।

स्थानिय कृषि उपजहरुलाई प्रर्वद्धन तथा बजारीकरणमा टेवा पु¥याउन र मनोरञ्जन र स्थानीय कला संस्कृतिको जगेर्ना गर्ने उद्देश्यले मेला आयोजना गरिएको अध्यक्ष श्रेष्ठले बताउनुभयो।

मंसिर १५ गतेसम्म सञ्चालन हुने महोत्सवमा करिव एक लाख जनाले अवलोकन गर्ने अनुमान गरिएको अध्यक्ष श्रेष्ठले बताउनुभयो।