खुल्ला कविता प्रतियोगितामा धादिङका विजय प्रथम

अडियोमा सुन्नुहोस

धादिङ- धादिङका विजय तामाङ बागमती प्रदेशस्तरीय खुला कविता प्रतियोगितामा प्रथम हुनुभएको छ।

नीलकण्ठ प्रज्ञा प्रतिष्ठानले आयोजना गरेको प्रदेश स्तरीय प्रतियोगितामा नुवाकोटका उत्तम राज भेटुवाल द्धितिय, ललितपुरका अजय रिसाल तिृतिय र सिन्धुलीका रुपक घलान र नुवाकोटका प्रदिप कोइराला सान्त्वना हुनुभएको छ।

प्रदेश भित्रका ३९ जना सहभागी प्रतियोगितामा उत्कृष्ट पाँच छनौट भएका थिए।मगलबार धादिङबेसीमा एक कार्यक्रमका बिच उत्कृष्ट पाँचको अन्तिम नतिजा प्रकाशन गरी पुरस्कार वितरण गरिएको छ ।

प्रतियोगितामा प्रथम भएका तामाङले नगद २० हजारसहित प्रमाण पत्र पाउनुभयो भने द्धितिय हुनभएका भेटुवालले १५ हजार, तिृतिय हुनुभएका रिसालले १० हजार र सान्तवना हुनुभएका घलान र कोइरालाले समान ५/५ हजार सहित प्रमाणपत्र पाउनुभएको छ ।

बिजेताहरुलाई नीलकण्ठ नगरपालिका प्रमुख भिम प्रसाद ढुङगाना,उपप्रमुख दिपक विश्वकर्मा र नीलकण्ठ प्रज्ञा प्रतिष्ठानका अध्यक्ष बद्रि प्रसाद दाहालले पुरस्कार वितरण गर्नुभएको थियो ।

यस्तै कार्यक्रमको अवसरमा झिँगु नेवा समाज धादिङ र शंखादेवी ज्याम्रुङ दरबार पन्चेबाजा समुहलाई पनि नगद २० हजार ८१ रुपैँयासहित सम्मान गरिएको थियो ।