यू-१९ महिला टी-२० विश्वकप छनौट: नेपालले आज अन्तिम खेल युएईसँग खेल्दै

काठमाडौं । आईसीसी यू-१९ महिला टी-२० विश्वकप एसिया छनोट अन्तर्गत नेपालले आज अन्तिम खेलमा घरेलु टिम युएईसँग खेल्दै छ।

खेल अपराहन्न ३स् १५ बजेदेखि दुबईस्थित द सेभेन स्टेडियममा हुने छ।

प्रतियोगितामा युएई ५ खेलमा सबै खेल जितेर १० अंकसहित शिर्ष स्थानमा छ भने नेपालले ५ खेलमा ४ जित र एक हार बेहोर्दै ८ अंकसहित दोस्रो स्थानमा रहेको छ।

आज हुने यस खेलले विश्वकपमा छनौट हुने टिमको निर्णय लिने छ।नेपाल यस खेलमा जित्नैपर्ने अवस्थामा रहेको छ।

२ अंकले पछि रहेको नेपालले युएईलाई राम्रो रनरेटमा पराजित गरेर शिर्ष स्थानमा उक्लिने अवसर रहेको छ।

छनोट प्रतियोगिता नेपाल र कुवेतसँगै आयोजक यूएई र थाइल्याण्ड सहभागी छन्।

डबल राउण्ड रोविनका आधारमा खेलाइएको यस प्रतियोगितामा शीर्ष स्थानमा रहने टोली अर्को वर्ष मलेसियामा हुने यू-१९ महिला टी-२० विश्वकपमा छनोट हुनेछ।