एसीसी पुरुष यु-१९ को एशिया कप नेपालले आज श्रीलङ्कासँग खेल्दै

अडियोमा सुन्नुहोस

नेपालले आज एसीसी पुरुष १९ वर्षमुनिको एशिया कपको आफ्नो पहिलो खेलमा श्रीलङ्कासँग खेल्दैछ ।

खेल नेपाली समयअनुसार बिहान पौने ११ बजेदेखी यूएईको शारजाह क्रिकेट स्टेडियममा शुरू हुने छ ।

अहिलेसम्म ८ पटक एशिया कप खेलिसकेको नेपाल भने १ पटक मात्र सन् २०१७ मा प्रतियोगिताको सेमिफाइनलसम्म पुगेको थियो ।

यसैबीच आज हुने अर्को खेलमा अफगानिस्तान र साविक विजेता बङ्गलादेशका युवा टोली प्रतिस्पर्धा गर्ने छन् । प्रतियोगितामा एशियाका आठ देश सहभागी छन् ।

नेपाल रहेको समूह ‘बी’मा श्रीलङ्का, बङ्गलादेश र अफगानिस्तान छन् ।

समूह ‘ए’मा भारत, पाकिस्तान, जापान र यूएई छन् ।

नेपालले आफ्नो दोस्रो खेल १६ गते पर्सि आइतवार बङ्गलादेशसँग र तेस्रो खेल मङ्सिर १८ गते अफगानिस्तानसँग प्रतिस्पर्धा गर्ने छ ।

समूहका शीर्ष २ टोलीले सेमिफाइनलमा स्थान बनाउने छन् ।