पुरुष यु १९ एशिया कप : नेपालले आज बङ्गलादेशसँग खेल्दै

अडियोमा सुन्नुहोस

एसीसी पुरुष १९ वर्षमुनिको एशिया कप अन्तरगत नेपालले आज दोश्रो खेलमा बङ्गलादेशसँग खेल्दैछ ।

खेल नेपाली समयअनुसार बिहान पौने ११ बजेदेखी यूएईको दुबई क्रिकेट रङ्गशालामा यो शुरू हुने छ । नेपाल पहिलो पहिलो खेल श्रीलङ्कासँग ५५ रनले पराजित भएको थियो ।

अहिलेसम्म आठ पटक एशिया कप खेलिसकेको नेपाल भने एक पटक मात्र सन् २०१७ मा प्रतियोगिताको सेमिफाइनलसम्म पुगेको थियो । यसैबीच आज हुने अर्को खेलमा अफगानिस्तान र श्रीलङ्काका युवा टोलीले खेल्दैछन् ।

प्रतियोगितामा एशियाका आठ देश सहभागी छन् ।

नेपाल रहेको समूह ‘बी’मा श्रीलङ्का, बङ्गलादेश र अफगानिस्तान छन् । समूह ‘ए’ मा भारत, पाकिस्तान, जापान र यूएई छन् ।

नेपालले आफ्नो तेस्रो खेल मङ्सिर १८ गते अफगानिस्तानसँग खेल्ने छ । समूहका शीर्ष दुई टोलीले सेमिफाइनलमा स्थान बनाउने छन् । file photo