एनपीएल : आज दुई खेल हुने,पहिलो खेलमा काठमाडौं र चितवनबिच प्रतिस्पर्धा हुदैँ

काठमाडौं। नेपाल प्रिमियर लिग (एनपीएल) मा आज दुई खेल हुदैँछ ।

पहिलो खेलमा आज काठमाडौं गोर्खाज र चितवन राइनोज बिचमा प्रतिस्पर्धा हुने छ भने दोस्रो खेलमा जनकपुर बोल्ट्स र कर्णाली याक्स खेल्दैछन् ।

पहिलो खेलमा बिहान सवा ९ बजे काठमाण्डौ गुर्खाज र चितवन राइनोज त्रिभुवन विश्वबिधालय, किर्तिपुरस्थित खेल मैदानमा आमुने सामुने हुदैँछन् ।

काठमाडौं गोर्खाजबाट करण केसी र चीतवन राइनोजवाट कुशल मल्लले नेतृत्व गर्नेछन् ।

आजको खेलमा दुबै टिमका गरी १० बिदेशी खेलाडी पनि मैदानमा देखिनेछन् ।

यस्तै दोस्रो खेल भने दिउँसो सवा १ बजे सुरु हुने छ ।

शुक्रवारवाट सुरू भएको एनपीएलको पहिलो खेलमा जनकपुर बोल्टसले विराटनगर किंग्सविरुद्ध आठ विकेटको जित हासिल गरेको थियो ।

एनपीएलको विजेता टोलीले १ करोड ११ लाख रुपैयाँ पाउने भएको छ ।

एनपीएलको उद्घाटन कार्यक्रममा विजेता टोलीले १ करोड ११ लाख रुपैयाँ पाउनेछन् भने प्रतियोगिताको उपविजेताले ५० लाख, तेस्रो हुने टिमले ३० लाख र चौथो हुने टिमले २० लाख रुपैयाँ पाउने आयोजकले जनाएको छ।