स्क्रब टाइफसबाट कसरी जोगिने,यस्ता हुन्छन् लक्षण

स्क्रब टाइफस किर्ना जस्तो देखिने किरा (माइट) को टोकाइबाट मानिसमा सर्ने एक किसिमको सरुवा रोग हो । यो रोग माइटमा पाइने ओरेन्सिया सुसुगामुसी भन्ने जिवाणुबाट लाग्दछ । माइट प्राय जसो झाडी, खेतवारी, वनजंगल, घर  वरिपरिको झाडी वा घुरान हुने ठाँउमा देखिने गर्दछ।

स्क्रब टाइफस कसरी सर्छ ?
मुसामा लाग्ने किर्ना जस्तो देखिने किरा (माइट)को टोकाइबाट मानिसमा सर्दछ । यो रोग मानिसबाट मानिसमा सर्दैन ।

स्क्रब टाइफसका लक्षणहरु
– धेरै जवरो आउनु  ( काम ज्वरो समेत आउन सक्छ )
– धेरै टाउको दुख्नु
– पसिना धेरै आउनु
– आँखा रातो  हुनु
– झाडापखाला लाग्नु
– किराले (माईट) टोकेको ठाउँमा रातो डाबर जस्तो दाग देखिनु र पछि गएर कालो दाग बस्नु

– खेतवारीमा काम गर्दा वनजंगल /झाडीमा जाँदा वा घाँस काट्न जाँदा पुरा शरीर ढाकिने कपडा लगाउने साथै सम्भव भुइं सम्म बुट लगाउने
– घाँसवारी वा चउरमा बस्दा गुन्द्री वा दरी ओछ्याएर बस्ने
– सम्भव भएसम्म भुइँमा नबस्ने । खाटमा वा अग्लो स्थानमा सुत्ने/बस्ने
– सकेसम्म घाँसवारी र चउरमा नबस्ने
– चउरमा,वारी ,झाडी,घाँस तथा धुरान बढ्न नदिने

– मुसा नियन्त्रणको लागि उपयुक्त किसिमले अन्न भण्डार गर्ने तथा मुसाको बृद्धि विकास नहुने वातावरणको सृजना गर्ने ।
स्क्रब टाइफस लागेको शंका लागेमा उपचारको लागि तुरुन्त नजिकको स्वास्थ्य संस्थामा लैजानु पर्छ । औषधी सेवनपछि यो रोग निको हुन्छ ।

(स्वास्थ्य तथा जनसंख्या मन्त्रालय, राष्ट्रिय स्वास्थ्य शिक्षा, सूचना तथा सञ्चार केन्द्रद्वारा प्रसारित सामाग्री)