झाडाबान्ताका कारण एकजनाको मृत्यु

झाडाबान्ताका कारण नेपालगञ्जको जानकी गाउँपालिकामा एकजनाको मृत्यु भएको छ।

जनस्वास्थ्य कार्यालयका सूचना अधिकारी नरेश श्रेष्ठका अनुसार जानकी गाउँपालिका–५ बेलहरीका ३४ वर्षीय होली तेलीको मृत्यु भएको हो ।

परीक्षणमा हैजाको जीवाणु नदेखिएको, खानेपानी प्रशस्त नखाएको र समयमा उपचार नभएकाले मृत्यु भएको हुनसक्ने श्रेष्ठले बताउनुभयो।

सो पालिकामा तीनजनामा झाडाबान्ताका बिरामी भेटिएका छन्।