सिद्धलेक-२ खिर्रेमा असोज २९ गते रक्तदान कार्यक्रम हुने

धादिङ । सिद्धलेक गाउँपालिका-२ नलाङस्थित खिर्रेभञ्याङमा असोज २९ गते रक्तदान कार्यक्रम हुने भएको छ ।

नेपालीहरुको महान चाड बडा दशैको अवसरमा असोज २७ देखि २९ गतेसम्म तमु युवा समाजले आयोजना गरेको खुल्ला पालिका स्तरिय पुरुष भलिबल प्रतियोगिता (स्व.लोक बहादुर गुरुङ र स्व.मनोज श्रेष्ठ स्मृती कप) अन्तरगत २९ गते रक्तदान कार्यक्रम हुने नेपाल रेडक्रस सोसाईटी नलाङ उपशाखाका सभापती एवम धादिङ जिल्ला भलिबल संघका अध्यक्ष अमृत गुरुङ (तिलक) ले बागमती कलमलाई जानकारी दिनुभयो ।

रक्त सञ्चार सेवा केन्द्र धादिङको प्राविधिक सहयोगमा २९ गते बिहान १० बजेदेखी अपरान्ह ४ बजेसम्म रक्तदान कार्यक्रम हुने गुरुङले बताउनुभयो ।

नेपाल रेडक्रस सोसाईटी नलाङ उपशाखाको आयोजना तथा तमु युवा समाजको सह आयोजनामा हुने रक्तदान कार्यक्रममा सहभागि भई रक्तदान गर्न सम्पूर्ण नागरिकहरुलाई उहाँले आग्रह गर्नुभएको छ।