नलाङमा २९ जनाले गरे रक्तदान

धादिङ । सिद्धलेक गाउँपालिका–२ नलाङस्थित खिर्रेभञ्याङमा २९ जनाले रक्तदान गरेका छन्।

नेपाल रेडक्रस सोसाईटी नलाङ उपशाखाको आयोजनामा भएको रक्तदान कार्यक्रममा ३ जना महिला र २६ जना पुरुष गरी २९ जनाले रक्तदान गरेका नेपाल रेडक्रस सोसाइटी धादिङ जिल्ला शाखाका कोषाध्यक्ष नारायण कुमार श्रेष्ठले जानकारी दिनुभयो।

तमु युवा समाजले आयोजना गरेको खुल्ला पालिका स्तरिय पुरुष भलिबल प्रतियोगिता (स्व.लोक बहादुर गुरुङ र स्व.मनोज श्रेष्ठ स्मृती कप) अन्तरगत आज प्रतियोगिता समापनको दिन रक्तदान कार्यक्रम गरिएको रेडक्रस सोसाईटी नलाङ उपशाखाका सभापती एवम धादिङ जिल्ला भलिबल संघका अध्यक्ष अमृत गुरुङ (तिलक) ले जानकारी दिनुभयो ।

कार्यक्रममा रक्त सञ्चार सेवा केन्द्र धादिङको प्राविधिक सहयोग रहेको थियो ।