खुल्यो मुग्लिन मलेखु सडक खण्ड

चितवनको इच्छाकामना गाउँपालिका–३ फिस्लिङ र मौवाखोलाको बिचमा पहिरो खसेपछि बन्द रहेको पृथ्वी राजमार्ग खुलेको छ ।

मुग्लिन मलेखु खण्डअन्तर्गत आज बिहान पहिरो खसेपछि सडक बन्द भएको थियो ।पहिरो पन्छाएपछि अहिले राजमार्ग दुईतर्फी नै सञ्चालनमा आएको इलाका प्रहरी कार्यालय मुग्लिनका प्रमुख प्रहरी निरीक्षक निरला भण्डारीले जानकारी दिनुभयो ।

बाटो खुलेपछि रोकिएका गाडी र यात्रु गन्तव्यतर्फ लागेका छन् ।तस्बिर : दान ब. गुरूङ