नलाङमा टाटा सुमो दुर्घटना : एकको मृत्यु,एक घाइते (भिडियो सहित)

धादिङ ।सिद्धलेक गाउँपालिका वडा नं २ नलाङस्थित खिर्रेमा टाटा सुमो दुर्घटना हुँदा एकजनाको मृत्यु भएको छ ।दुर्घटनामा एक जना घाइते भएका छन् ।

नलाङ पात्लेबाट खिर्रे तर्फ फर्कदै गरेको ज १ ज ४४४ नम्बरको टाटा सुमो बुधबार राती ८ बजे खिर्रेको एक्लेबर नजिकै सडकबाट करिब ३०० मिटर तल खसेको नलाङ पात्ले माविका शिक्षक अमृत गुरुङ (तिलक) ले बागमती कलमलाई जानकारी दिनुभयो ।

मृत्यु हुनेमा नलाङ पोखरी गाउँका ५२ बर्षिय लोक बहादुर गुरुङ रहनुभएको छ ।

गुरुङलाई घटनास्थलबाट उद्धार गरी धादिङ अस्पताल ल्याईएको तर अस्पतालका चिकित्सकले मृत घोषणा गरेको शिक्षक अमृत गुरुङले बताउनुभयो ।

दुर्घटनामा चालक खिर्रेका ५५ बर्षिय जिवन श्रेष्ठ (कृष्णमान) घाईते हुनुभएको छ । उहाँको काठमाडौँ स्थित ट्रमा सेन्टरमा उपचार भईरहेको छ ।

मृतक लोक बहादुर गुरुङ तमु ह्युल छोज धी गुरुङ राष्ट्रिय परिषद सिद्धलेकका अध्यक्ष, नलाङ पात्ले माविका पूर्व व्यवस्थापन समिति अध्यक्ष तथा नलाङको साविक वडा नं ४ का पूर्व गाविस अध्यक्ष हुनुहुन्छ।

दुर्घटनास्थलको भिडियो…..

दुर्घटनास्थलको तस्विरहरु…….

तस्विर:अर्जुन सिलवाल