विपदजन्य घटनाबाट १ सय १३ जनाको मृत्यु

विपदजन्य घटनाबाट १ सय १३ जनाको मृत्यु भएको छ ।

जेठ २८ यता हालसम्म देशका विभिन्न ठाउँमा वर्षापछि आएको बाढी, पहिरोलगायतका विपदका घटनामा परी एक सय १३ जनाले ज्यान गुमाएका छन् ।

बाढी, पहिरोलगायतका घटनामा काठमाण्डौ उपत्यकामा दुई, कोशी प्रदेशमा २०, मधेस प्रदेशमा पाँच, बागमती प्रदेशमा १३, गण्डकी प्रदेशमा ३८, लुम्बिनी प्रदेशमा २३, कर्णाली प्रदेशमा चार र सुदूरपश्चिम प्रदेशमा आठ जनाको ज्यान गएको प्रहरी प्रधान कार्यालयले जनाएको छ ।

उपत्यकामा आठ, कोशी प्रदेशमा ३१, मधेस प्रदेशमा नौ, बागमती प्रदेशमा सात, गण्डकी प्रदेशमा २८, लुम्बिनी प्रदेशमा नौ, कर्णाली प्रदेशमा १६ र सुदूरपश्चिम प्रदेशमा ११ गरी एक सय १९ जना घाइते भएका प्रहरी प्रवक्ता प्रहरी नायब महानिरीक्षक दानबहादुर कार्कीले बताउनुभयो ।