धादिङका प्रत्येक पालिकामा सुपथ मुल्य पसल संचालन गर्न मानव अधिकार संगठनको आग्रह (भिडियोसहित)

धादिङ । धादिङका प्रत्येक पालिकामा सुपथ मुल्य पसल संचालन गर्ने लगाएत पाँच बुँदे माग राख्दै मानव अधिकार संगठनले प्रमुख जिल्ला अधिकारीलाई ज्ञापन पत्र बुझाएको छ ।

आईतबार मानव अधिकार संगठन जिल्ला शाखा धादिङका सभापति कृष्णराज अधिकारीे नेतृत्वको टोलीले प्रमुख जिल्ला अधिकारी राजेन्द्र देव पाण्डेलाई पाँच बुँदे माग राख्दै ज्ञापन पत्र बुझाएको हो ।

संगठनले सपिङ सेन्टर, होटल, किराना पसल लगायतका स्थानहरुमा प्रत्येक उपभोक्ताले बुझ्न र देख्न सक्ने गरी उपभोक्ता मूल्यसूची अनिबार्य टांस गर्न लगाउनु हुन,नजिकिदै गरेको चाडबाड लक्षित सुपथ मुल्य पसल प्रत्येक पालिकामा संचालन गर्ने व्यवस्था मिलाउनुहुन,बर्षाको समयमा भत्के बिग्रिएका सडक र गोरेटा बाटोहरुलाइ मर्मत संभार गरी सर्बसुलभ आवागमनको व्यवस्था गर्न, गन्तब्य सम्म पुग्नका लागि सुरक्षित यातायात प्रणाली संचालन गर्न र चाडबाडमा हुनसक्ने अवान्छित गतिविधिलाइ नियन्त्रण गर्न हुन ज्ञापन पत्रमा उल्लेख गरेको छ ।

ज्ञापन पत्र बुझ्दै प्रमुख जिल्ला अधिकारी राजेन्द्र देव पाण्डेले स्थानीय तहहरुसँग समन्वय गरेर अगाडी बढ्ने बताउनुभएको छ।

हेर्नुहोस् भिडियो………….