तीन बालिकालाई अभिभावकको जिम्मा लगाईयो

धादिङ । गत बुधबारदेखी धादिङबाट हराएर बाग्लुङमा भेटिएका तीन जना बालिकाहरुलाई अभिभावकको जिम्मा लगाईएको छ।

साउन २३ गतेदेखि धादिङबेशीबाट हराएका रोशनी विक, सुशिला तामाङ र अस्मिता गुरुर्ङ हिजो सोमबार मात्रै बाग्लुङमा भेटिएका थिए ।उनिहरुलाई आज बिद्यालय प्रतीनीधिकाे राेहवरमा परिवारको जिम्मा लगाएको जिल्ला प्रहरी कार्यालय धादिङले जनाएको छ ।

२ जना वालिकालाई होटलबाट र एक जनालाई ग्रामिण भेगबाट बाग्लुङ प्रहरीले सुरक्षित उद्दार गरेको थियो ।

हराएका बालिकालाई खोजी गर्न जिल्ला प्रहरी कार्यालय धादिङले देशैभरका प्रहरी कार्यालय, बोर्डर आसपासका क्षेत्रहरुमा जानकारी गराउनुका साथै सादा पोशाकका प्रहरीहरु परिचालन समेत गरेको थियो ।

बालिकाहरु बाग्लुङ सम्म कसरी पुगे भन्ने कुराको अनुसन्धान भईरहको प्रहरीले जनाएको छ ।

२३ गते बिहान बिद्यालय पोषाकमा घरबाट हिंडेका यी छात्राहरू बिद्यालय नआइ धादिङबेशी बीचबजारबाट सम्पर्कविहीन भएका थिए ।

विद्यालय जाने भनेर निस्केका बालिकाहरु घर नफर्केपछि अभिभावकहरुले खोजी गरेका हुन् ।अभिभावकहरुले गत बिहिबार जिल्ला प्रहरी कार्यालय धादिङ पुगेर आफ्ना नानीहरु खोजी गरि दिन निवेदन दिएका थिए ।

परिवारसँग धादिङबेशीमा बस्दै आएका रश्मि विक त्रिपुरासुन्दरी गाउँपालिका वडा नं ७, सुशीला तामाङ नेत्रावती डबजोङ गाउँपालिका वडा नं ४ र अस्मिता गुरुङ नीलकण्ठ नगरपालिका वडा न२ भुलभुलेकी हुन् । तस्विर:दिपक कोईराला