थामेगाउँमा बाढी : एक विद्यालयसहित १४ घर बगायो,७ जनाको उद्धार

सोलुखुम्बुको खुम्बु पासाङल्हामु गाउँपालिका–५ मा थामेगाउँमा आएको बाढीले एउटा विद्यालय, एउटा क्लिनिकसहित १४ वटा घर बगाएको छ ।

पछिल्लो विवरण अनुसार बाढीमा फसेका सात जनाको उद्धार गरिएको र प्रभावित क्षेत्रमा मानवीय क्षति भएरनभएकोबारे विवरण नआएको प्रहरीले जनाएको छ ।

बाढिमा एक जना बेपत्ता भएको अनुमान गरिएको सोलुखुम्बुका प्रमुख जिल्ला अधिकारी देवी पाण्डे खत्री जानकारी दिनुभयो ।आज दिउँसो हिमताल फुटेर लेदोसहितको बाढी आएको अनुमान छ ।

तस्बिर :नेपाल प्रहरी