स्थानीय तह स्वमूल्याङ्कन : धादिङको कुन पालिकाले कति अंक पाए ? (सूचीसहित)

धादिङ । स्थानीय तह संस्थागत क्षमता स्वमूल्याङ्कनमा धादिङको नीलकण्ठ नगरपालिका प्रथम हुन सफल भएको छ ।

संघीय मामिला तथा सामान्य प्रशासन मन्त्रालयले गाउँ/नगरपालिकाको कार्य प्रकृया र उपलब्धिको लेखाजोखा गरी शासकीय प्रकृया र विकास व्यवथापनमा गर्नुपर्ने सुधारका क्षेत्रहरू पहिचान गर्ने, आवधिक समीक्षाको आधार प्राप्त गर्ने र स्थानीय सरकारबीच स्वस्थ प्रतिष्पर्धाको भावना जागृत गराउने उद्देश्यले गरेको स्वमूल्याङ्कनमा नीलकण्ठ नगरपालिकाले ९२.५० अंक ल्याउदै प्रथम भएको हो ।

स्वमुल्यांकनमा रुपन्देहीको तिलोतमा नगरपालिका दोस्रो र रत्ननगर नगरपालिका तेस्रो हुन सफल भएको छ ।

यस्तै गाउँपालिका तर्फ धादिङकै बेनीघाट रोराङ प्रथम भएको छ । बेनीघाट रोराङले ८७.२५ अंक पाउँदै गाउँपालिका तर्फ प्रथम भएको हो । गाउँपालिका तर्फ देशभरमा रुरुक्षेत्र दोस्रो र इन्द्रावती तेस्रो भएको छ।

यसैगरी धादिङ जिल्लाका अन्य पालिकाहरुमा ज्वालामुखी गाउँपालिकाले ८५.५०, धुनिबेशी नगरपालिकाले ७९.५०, त्रिपुरासुन्दरी गाउँपालिकाले ७९.२५ अंक पाएको छ।

त्यस्तै सिद्धलेक गाउँपालिकाले ७७, खनियाबास गाउँपालिकाले ७३, गंगाजमुना गाउँपालिकाले ७१.७५, गल्छी गाउँपालिकाले ७०.२५, थाक्रे गाउँपालिकाले ६७.५०, नेत्रावती डवजोङ गाउँपालिकाले ६४.२५, गजुरी गाउँपालिकाले ५९ र रुवीभ्याली गाउँपालिकाले ४०.५० अंक पाएको छ।

आर्थिक वर्ष २०७५/०७६ मा संघीय मामिला मन्त्रालयले विकास गरेको यो प्रणालीमा सुरुमै नीलकण्ठ नगरपालिका उत्कृष्ट भएको थियो ।

नीलकण्ठ आ.व २०७६/०७७ मा भएको स्वमूल्यांकनमा दोस्रो भएको थियो भने आ.व २०७७/०७८, २०७८/०७९ र २०७९/०८० मा लगातार तेस्रो पटक देशभरमै उत्कृष्ट बन्न सफल भएको हो ।

यता महालेखा परीक्षकको कार्यालयको ६१ औं प्रतिवेदन २०८१ अनुसार देशभरीबाट पाँच वटा स्थानीय तहहरुको बेरुजु शुन्य देखिँदा बेनीघाट रोराङ पनि परेको थियो ।

धादिङका पालिकाहरुले कति कति अंक पाए हेर्नुहोस् सम्पूर्ण बिधागत विवरण

यो पनि पढ्नुहोस्

धादिङको नीलकण्ठ नगरपालिका फेरी बन्यो देशकै उत्कृष्ट,गाउँपालिकामा बेनीघाट प्रथम(सम्पुर्ण विवरण सहित)

देशभरका पालिकाहरुले कति कति अंक पाए हेर्नुहोस् विवरण

देशभरको संस्थागत क्षमता स्वमूल्याङ्कन-Bagmati kalam