घुमाउनेमा बस दुर्घटना,१० जना घाइते

मुग्लिङ–नारायणगढ सडकखण्ड अन्तरगत चितवनको भरतपुर महानगरपालिका वडा नम्बर २९ स्थित घुमाउनेमा बस दुर्घटना हुँदा १० जना यात्रु घाइते भएका छन् ।

महेन्द्रनगरबाट काठमाण्डौतर्फ आृउँदै गरेको सुदूरपश्चिम प्रदेश ०२–००१ ख १३३२ नम्बरको बस बिहान सवा सात बजे अनियन्त्रित भई सडकको डिभाइडरमा ठोक्किएर दुर्घटना भएको जिल्ला प्रहरी कार्यालय चितवनले जनाएको छ ।

दुर्घटनामा १० जना घाइते भएका र उनीहरुको भरतपुरमा उपचारका भइरहेको जिल्ला प्रहरी कार्यालय चितवनका डीएसपी भेषराज रिजालले जानकारी दिनुभयो ।

उहाँका अनुसार उपचार भइरहेकामध्ये दुई जनाको अवस्था गम्भीर छ । दुर्घटनापछि घुमाउनेमा बाटो एकतर्फी भएको छ ।